Leerders sal die drupper moet gebruik om 'n paar druppels van die verdunde jodiumoplossing by die voedselstof te voeg wat in die petribakkie getoets gaan word. Laat hulle oefen op 'n klein stukkie wit papier, sodat hulle die kleurverandering kan sien voordat hulle dit op die voedsel probeer. Stysel hou die vesels in papier aanmekaar.

Dit sal verskil afhangende van die voedselstof wat u aan die leerders verskaf. 'n Voorbeeld van 'n hipotese vir hierdie ondersoek is: "Die jodiumoplossing sal blou-swart verkleur wanneer dit gevoeg word by aartappel, brood en appel, wat aandui dat hierdie voedsels stysel bevat. Die emulsie van die kaas, joghurt, botter en grondboontjiebotter in etanol sal melkwit kleur en 'n vetkol op papier laat, wat die teenwoordigheid van vette aandui."

'n Voorbeeld wat leerders kan verskaf:

• monsters (klein) van die volgende voedsels - leerders identifiseer watter voedsels hulle toets vir stysel en vette.
• verdunde jodiumoplossing met drupper
• petribakkie
• knyptang
• proefbuise
• papier
• etanol

Leerders moet die metode neerskryf as 'n lys genommerde stappe. Leerders moet aandui dat hulle die voedselitems bymekaar gemaak het en hulle in verskillende petribakkies (bakkies as hierdie nie beskikbaar was nie) geplaas het. Hulle het daarna om die beurt verdunde jodiumoplossing op elkeen van die monsters gedrup en hulle resultate waargeneem en aangeteken. Hulle moet dan aandui hoe hulle die vet-emulsietoets gedoen het, deur klein stukkies voedsel in 'n proefbuis te plaas, etanol by te voeg en die voedsel fyn te druk en te roer met die staaf of 'n ander geronde, harde voorwerp. Hulle moet dan die mengsel op papier gooi en die etanol toelaat om te verdamp en dan die resultate neerskryf.

Leerders kan 'n tabel teken om hulle resultate en waarnemings aan te teken, of net die voedsels lys wat positief of negatief getoets het vir elke stof. 'n Voorbeeld van die uitleg vir 'n leerder se tabel kan wees:

Tabel om die teenwoordigheid van stysel of vette en olies in verskeie voedselstowwe aan te dui

Leerders moet bespreek watter soort voedsels stysel en vette bevat het, en watter nie. Hulle kan kennis neem dat spesifiek plantmateriaal stysel bevat omdat die plante fotosinteer om glukose te produseer wat die boublokke vir koolhidrate is. Diereprodukte (soos die ham en gekookte eier) bevat nie stysel nie. Leerders moet ook enige ongewone bevindings bespreek wat hulle nie verwag het nie en of dit die resultaat kan wees van onakkuraatheid of besmetting. Leerders moet ook hulle resultate evalueer en of hulle enigiets kon doen om die ondersoek te verbeter, soos om moontlik die toetse te herhaal.

Leerders moet terugverwys na hulle hipotese in die gevolgtrekking en dit verwerp of aanvaar.

Leerders kan hierdie as 'n vinnige klasbespreking doen soos wat u deur die verskillende toestande gaan.

Leerders moet reguit, parallele byskriflyne met 'n liniaal trek en byskrifte moet onder mekaar geskryf word. In hierdie prentjie is die lewer die groot, rooi orgaan langs die maag, en die galblaas is die klein groen deel daarvoor. Die lewer produseer die gal wat dit dan in die galblaas in afskei om daar geberg te word voordat dit die spysverteringskanaal binnegaan. Gal help met vertering van vet. Die pankreas, die geel orgaan onder die maag in die diagram, is 'n ander orgaan wat 'n belangrike rol speel in vertering omdat dit ensieme produseer vir chemiese vertering, wat in die dunderm afgeskei word. Die lewer, pankreas en galblaas is bykomende organe tot die spysverteringstelsel, maar hulle is nie deel van die spysverteringskanaal nie. Maak leerders bewus dat daar 'n verskil is tussen bespreking van die spysverteringstelsel (insluitende hierdie bykomende organe) en die spysverteringskanaal (wat slegs fokus op die organe en strukture waardeur voedsel beweeg en nie die lewer, pankreas en galblaas insluit nie).

Doelwitte vir hierdie aktiwiteit:

• Leer hoe die verskillende dele struktureel aangepas is by hul funksie.
• Beskryf die dele van die spysverteringskanaal en wat elke deel se funksies is.
• Verstaan fisiese en chemiese vertering.
• Bespreek hoe voedsel beweeg vanaf ingestie, na vertering en absorpsie en dan na egestie.
• Maak waarnemings aangaande die proses van vertering.

'n Voorstel is om leerders in groepe te laat werk om een model per groep te produseer. Op hierdie manier sal hulle die model met mekaar kan bespreek soos wat hulle aangaan en daar kan ook minder van 'n gemors wees. Stel vóór die les 'n werkstasie op vir elke groep met die vereiste materiale uitgelê. Die materiale hieronder is voorstelle wat gebruik kan word om 'n model van elke deel te skep. Maar u kan ook ander materiale gebruik as u meer toepaslike idees of toegang tot ander materiale in u klaskamer het.

Alternatiewelik kan u hierdie aktiwiteit doen as 'n demonstrasie voor die klas, en die model en strukture bespreek soos wat u aangaan.

As u nie die model fisies kan produseer in die klas met u leerders nie, kan u steeds deur die aktiwiteit lees en die vrae antwoord en u kan die strukturele aanpassings bespreek.

Leerders moet die voedsel opsny met die skêr, of dit opbreek met die vyselstamper en dit fyndruk met die aartappeldrukker. Hulle spuit dan water daaroor en gebruik hulle hande om die voedsel in 'n bal te vorm.

Een leerder moet die kartonrolletjie/-buis met een punt in die sakkie hou terwyl 'n ander leerder die mengbak skuis hou, sodat die voedselbolus in die buis af, tot in die sakkie kan rol.

In die mens vervoer die oesofagus die voedsel (bolus) van die mond tot in in die maag net soos wat die kartonbuisie die voedselbal toelaat om van die mengbak af, wat die mond voorstel, tot in die "Ziploc" sakkie wat die maag voorstel, te beweeg. Leerders behoort die probleem van hierdie deel van die model te kan aandui, omdat voedsel nie in die oesofagus "af rol" soos wat hulle hier in die simulasie gedoen het nie. Die voedsel word eerder deur peristaltiese bewegings van die spiere van die oesofagus beweeg. Leerders moet aan alternatiewe maniere dink om hierdie aksie voor te stel of te simuleer, soos om 'n sagte plastiekbuis en die hande te gebruik om die voedsel in die buis af te druk en uit by die ander kant.

Leerders moet die verteringsappe oor die kos gooi en dan die maag/"Ziploc" sakkie verseël. Hulle simuleer dan die karring van die maag deur die Ziploc sakkie met die voedsel daarin te skud en te karring. Dit moet vir 'n redelike rukkie aangaan omdat die voedsel vir 'n lang tydperk in die maag bly.

Leerders moet die voedsel met die "verteringsappe" meng en vanaf die "Ziploc"-sakkie in die sykous laat inloop. Dit moet nie té loperig wees nie, maar maak seker dat hulle oor 'n groot bak werk om die oortollige vloeistof op te vang. Hulle moet klein hoeveelhede koeksoda, opgelos in water, met die spuit inspuit om die verteringsensieme te simuleer wat by die dunderm gevoeg sal word.

U mag dalk wil verduidelik hoe peristalse werk deur te wys hoe die spiere om die dunderm ritmies druk om die voedsel van die maag af deur die hele derm te druk. Laat leerders hulle hande gebruik om peristalse te simuleer - as een hand styf om die dunderm druk, moet die ander hand net verderaan die dunderm los en ontspan.