Moontlike hipotese:

Hoe meer selle in serie gekoppel word, hoe hoër sal die elektriese stroom en die potensiaalverskil, in die stroombaan wees.

Onthou dat 'n hipotese nie 'korrek' hoef te wees nie, dit moet slegs aandui watter veranderlikes betrokke is, en die verband wat tussen hulle verwag word.

Leerder behoort die getal selle, die onafhanklike veranderlike, op die x-as te teken. Leerders kan ook twee aparte grafieke teken. Grafieke moet ook van 'n opskrif voorsien word.

Die gloeilampie skyn helderder wanneer meer selle in serie gekoppel word.

Die stroomsterkte en die potensiaalverskil word verhoog wanneer meer selle in serie in 'n stroombaan gekoppel word.

Hierdie is 'n opsionele aktiwiteit. Dit is basies dieselfde as die vorige ondersoek, maar gebruik die PhET simulasiesagteware. Die PhET simulasies verskaf akkurate resultate, het nie 'n laboratorium nodig nie, en grafieke kan maklik met behulp van die data geteken word.

Moontlike antwoord: Wanneer die getal selle in serie vermeerder word, sal die stroomsterkte en die potensiaalverskil in die stroombaan verhoog.

Die stroomsterkte en die potensiaalverskil word verhoog wanneer meer selle in serie in 'n stroombaan gekoppel word.

Hierdie is 'n hersieningsaktiwiteit oor werk wat leerders in Gr. 8 gedoen het. Dit kan saam met die volgende ondersoek oor die effek van potensiaalverskil, gedoen word.

Die skakelaar is nie 'n noodsaaklike deel van die ondersoek nie, en kan uit die stroombaan gelaat word. Indien 'n ammeter nie beskikbaar is nie, kan die helderheid van die gloeilampies as aanduiding van die stroomsterkte gebruik word.

Indien daar nie genoeg apparaat beskikbaar is sodat leerders dit in groepe kan doen nie, moet die aktiwiteit as 'n demonstrasie uitgevoer word. Indien internettoegang moontlik is, laat die leerders toe om PhET simulasies te gebruik. Die simulasieresultate behoort meer akkuraat te wees, aangesien laboratorium voltmeters nie noodwendig korrek gekalibreer is nie.

Indien daar nie twee verskillende resistors beskikbaar is nie, kan twee gloeilampies gebruik word, maar dan sal daar nie 'n direkte vergelyking tussen die potensiaalverskil en weerstand gemaak kan word nie, omdat die presiese weerstande nie beskikbaar is nie.

Indien die leerders hierdie ondersoek in groepe doen, maak seker dat hul stroombane korrek gebou is, en dat die voltmeters in parallel gekoppel is.

Die posisie van die komponente in die stroombaandiagram is nie belangrik nie. Die selle kan byvoorbeeld aan die bokant, onderkant, linkerkant of regterkant geteken word. Dit is egter belangrik dat die korrekte simbole gebruik word, die resistors en selle in serie, en die voltmeters in parallel met die komponente wat hulle meet, geteken word.

Hierdie lesing sal afhang van die eksperimentele opstelling wat beskikbaar is, of van die PhET simulasie se waardes. Die som van die lesings op V2 en V3 is gelyk aan V1.

Die totale potensiaalverskil oor die battery is gelyk aan die som van die potensiaalverskil oor elk van die resistors. 'n Resistor met 'n hoër weerstand sal 'n groter potensiaalverskil hê.

Die aktiwiteit sal aan leerders die geleentheid bied om hulle begrip van die konsepte wat tot dusver geleer is, te toets. Laat die leerders hulle eie voorspellings maak. Indien die PhET simulasies gebruik word, laat elke leerder toe om sy eie stroombaan met PhET te bou om sy voorspellings te toets. Indien daar nie genoeg apparaat beskikbaar is, sodat elke leerder sy eie stroombaan kan bou nie, laat die leerders in groepe werk, of bou 'n paar opstellings as demonstrasies aan die klas. Indien die leerders in groepe werk, maak seker dat elke leerder 'n geleentheid kry om die stroombaan te bou, sodat almal die vaardighede kan aanleer.

Leerders moet, sonder hulp, hulle eie voorspellings maak. Dit sal aan hulle die geleentheid gee om te oefen om voorspellings te maak (hipoteses te formuleer) en dit dan te toets. Dit is die kern van wetenskaplike ondersoeke. Die gevolg is dat die voorspellings leerder-afhanklik sal wees.

Die helderste gloeilamp behoort stroombaan III te wees, omdat dit die grootste stroom en die kleinste weerstand het. Die dofste gloeilamp behoort stoombaan VII te wees, aangesien dit die kleinste stroom en die grootste weerstand het. Die gloeilampies in stroombane I, V en IX behoort dieselfde helderheid te hê, indien hulle dieselfde weerstand het. Leerders kan hulle voorspellings toets deur die PhET simulasies te gebruik. Die volgende webblad kan gebruik word: http://phet.colorado.edu/en/simulation/circuit-construction-kit-dc

Hierdie is 'n hersieningsaktiwiteit aangesien leerders dit in Gr. 8 gedoen het.

Die ammeterlesing behoort dieselfde te wees op enige punt in die seriestroombaan.

Die stroomsterkte is dieselfde op enige punt in 'n seriestroombaan.

Indien daar nie genoeg apparaat beskikbaar is vir hierdie aktiwiteit nie, laat die leerders toe om beurte te maak. Die PhET simulasie kan vanaf die volgende skakel verkry word: http://phet.colorado.edu/en/simulation/circuit-construction-kit-dc

'n Moontlike antwoord: Wanneer die getal selle in 'n stroombaan vermeerder word, sal die elektriese stroom en potensiaalverskil vermeerder.

Onthou dat die hipotese nie altyd korrek hoef te wees nie, dit hoef slegs die verband tussen die veranderlikes te noem, en watter waarnemings verwag word.

Wanneer meer selle in parallel in 'n stroombaan gekoppel word, beïnvloed dit nie die stroomsterkte en die potensiaalverskil nie.

Hierdie aktiwiteit is hersiening van 'n ondersoek wat in Gr. 8 gedoen is. Die leerders mag dalk al vergeet het wat in 'n parallelle stroombaan gebeur, en dit is dus die moeite werd om die aktiwiteit te herhaal.

Die skakelaar en die ammeter is nie noodsaaklik nie, en kan uitgelaat word, indien daar nie genoeg skakelaars of ammeters beskikbaar is nie.

Hierdie is ook 'n hersieningsaktiwiteit van wat leerders in Gr. 8 gedoen het.

'n Voorbeeld van 'n tabel is:

Tabel van ammeterlesings op verskillende plekke in 'n parallelle stroombaan

Indien daar nie genoeg apparaat beskikbaar is vir hierdie aktiwiteit nie, laat die leerders toe om beurte te maak. Die PhET simulasie kan vanaf die volgende skakel verkry word: http://phet.colorado.edu/en/simulation/circuit-construction-kit-dc

Hierdie ondersoek vereis 'n groot hoeveelheid apparaat, en dit sal dus sin maak om PhET simulasies te gebruik. Indien die PhET simulasies nie beskikbaar is nie, kan die ondersoek as demonstrasie uitgevoer word.

Leerder-afhanklike antwoord. Die leerders moet die verband wat hulle tussen potensiaalverskil oor die individuele resistors en die potensiaalverskil oor die battery verwag, noem. 'n Voorbeeld is: Die potensiaalverskil oor die individuele resistors is gelyk aan die potensiaalverskil oor die battery.

Gebruik gloeilampies of resistors van verskillende weerstande om te demonstreer dat die potensiaalverskil oor elkeen dieselfde is as wanneer hulle in parallel gekoppel is.

Indien die leerders hierdie ondersoek in groepe doen, maak seker dat hul stroombane korrek gebou is, en dat die voltmeters in parallel gekoppel is.

Hierdie lesings sal van die eksperimentele opstelling in die skoollaboratorium, of die PhET simulasie, afhang. Die leerders behoort te sien dat lesings op V2, V3 en V1 dieselfde is, en dat A2 en A3 optel tot A1.

Die potensiaalverskil oor die battery is dieselfde as die potensiaalverskil oor elk van die parallelle resistors.

Hierdie is 'n uitbreidingsaktiwiteit om berekeninge, wat nie op hierdie vlak vereis word nie, te doen. Die behels baie eenvoudige vergelykings en beklemtoon dat leerders die weerstand in 'n stroombaan kan bereken. Dit is ook belangrik dat leerders besef dat hulle in Gr. 10-12 baie berekeninge in Fisiese Wetenskappe gaan doen.

Die video oor 'Voltage, current and resistance' in die besoekboksie hieronder, verskaf 'n goeie verduideliking van die verwantskap tussen die konsepte potensiaalverskil, elektriese stroom en weerstand. Die video maak ook van PhET simulasies gebruik om stroombane te bou, en is by die volgende skakel beskikbaar: http://phet.colorado.edu/en/simulation/circuit-construction-kit-dc. Die video verskaf 'n goeie voorbeeld van hoe simulasies in die klaskamer geïntegreer kan word, om die konsepte te onderrig.

Weerstand van gloeilampie 1 = V2/A2

Weerstand van gloeilampie 2 = V3/A3

Hierdie aktiwiteit behoort aan leerders die voordeel van parallelle stroombane in huishoudings te wys. Wanneer 'n gloeilamp in 'n seriestroombaan verwyder word, word die enkele roete onderbreek en die stroom kan nie meer deur die stroombaan vloei nie. Wanneer 'n gloeilamp uit 'n parallelle stroombaan verwyder word, is daar nog steeds ander roetes vir die elektriese stroom beskikbaar, en die ander gloeilampe kan steeds werk.

Indien daar nie genoeg apparaat beskikbaar is vir hierdie aktiwiteit nie, laat die leerders toe om beurte te maak. Die PhET simulasie kan vanaf die volgende skakel verkry word: http://phet.colorado.edu/en/simulation/circuit-construction-kit-dc