Planeet Aarde en die Ruimte Woordelys
aardplaneet (terrestriale planeet): 'n planeet met 'n rotsagtige oppervlak soos die Aarde s'n; die vier binneplanete in die sonnestelsel is aardplanete
Alpha Centauri: ons tweede naaste maklik sigbare ster na die Son; dit is in werkliheid twee sterre wat baie naby mekaar wentel
antenna: die skottel of ander toestel wat in 'n radioteleskoop gebruik word om radiogolwe op te vang
asteroïed: 'n klein, rotsagtige voorwerp wat om die Son wentel
asteroïedgordel: die gebied waar die meeste asteroïede in ons sonnestelsel voorkom; dit lê tussen die wentelbane van Mars en Jupiter
astronomiese eenheid(AE): die gemiddelde afstand tussen die Aarde en die Son; dit is gelyk aan sowat 150 miljoen kilometer
bewoonbare sone: die gebied rondom 'n ster waar water sy vloeibare vorm kan behou
dwergplaneet: 'n groot, ruweg sferiese voorwerp wat om 'n ster wentel en wat nie as 'n planeet geklassifiseer kan word nie, omdat dit nie groot genoeg is om ander voorwerpe uit sy wentelbaan te stoot nie
filament (superswermkompleks): 'n draadagtige struktuur in die ruimte wat sterrestelsels en sterrestelselgroepe en -swerms bevat
fotosintese: die proses waartydens groen plante en party ander organismes sonlig gebruik om voedsel uit koolstofdioksied en water te vervaardig, terwyl suurstof as neweproduk vrygestel word
galaktiese bult: 'n sferoïdale (rugbybalvormige) verspreiding van ou sterre in die middel van 'n sterrestelsel
galaktiese groep: 'n versameling van sowat 50 of minder sterrestelsels wat deur gravitasie (swaartekrag) bymekaargehou word
galaktiese skyf: die plat verspreiding van sterre, gas en stof in 'n sterrestelsel
galaktiese swerm: 'n versameling van 50 of meer sterrestelsels wat deur gravitasie (swaartekrag) bymekaargehou word
gasreus: 'n groot planeet wat hoofsaaklik uit gas bestaan met geen soliede oppervlak nie; die vier buiteplanete in die sonnestelsel is gasreuse
heelal: alles wat bestaan, insluitend alle planete, sterre, sterrestelsels, die ruimte tussen voorwerpe en alle materie en energie
hemelruim: geposisioneer in of met betrekking tot die lug, of die buitenste ruimte soos in sterrekunde waargeneem
kernversmelting (kernfusie): die proses waardeur sterre hulle energie opwek; ligte atoomkerne kom saam en versmelt om swaarder atoomkerne te vorm en stel energie in die proses vry; in die Son versmelt waterstofkerne met ander waterstofkerne om swaarder heliumkerne te vorm
kleurfout (chromatiese aberrasie): 'n optiese effek waar verskillende kleure lig in verskillende mate gebreek word in 'n lens; dit lei tot 'n verwronge beeld
komeet: 'n klein voorwerp bestaande uit ys en stof wat soms die binneste sonnestelsel binnedring; wanneer dit gebeur, verdamp 'n deel daarvan om 'n lang stert van ys en stof te vorm wat weg van die Son wys
konstellasie: 'n groep sterre wat 'n patroon in die lug vorm as dit vanaf die Aarde waargeneem word
konveksie: een van drie maniere om hitte-energie te gelei (die ander twee is konduksie en straling); soos 'n vloeistof of 'n gas verhit word, word dit minder dig en styg; terselfdertyd sink digter, kouer materiaal; dit skep 'n stroom van bewegende vloeistof of gas wat energie saam daarmee gelei
Kuipergordel: 'n gebied in die verste uiterstes van die sonnestelsel, verder weg as Neptunus se wentelbaan, gevul met triljoene klein voorwerpe
Kuipergordelvoorwerp: 'n klein ysvoorwerp wat verder weg as Neptunus se wentelbaan om die Son wentel
ligjaar: die afstand wat lig in een jaar aflê
ligminuut: die afstand wat lig in een minuut aflê
liguur: die afstand wat lig in een uur aflê
ontvangtoestel (ontvanger): 'n toestel wat radiogolfseine opspoor
Oortwolk: 'n hipotetiese groot wolk ysvoorwerpe (komete) rondom die Son aan die rand van ons sonnestelsel; dit is tussen 5 000 en 100 000 keer die afstand tussen die Aarde en die Son
primêre spieël: die spieël in 'n optiese teleskoop wat die lig opvang
Proxima Centauri: ons tweede naaste ster na die Son
SALT: die Suider-Afrikaanse Groot Teleskoop, die grootste ligteleskoop in die Suidelike Halfrond
SKA: Square Kilometer Array, ofte wel die Vierkantkilometeroprigting, die grootste beplande radioteleskoop in die wêreld
sonnestelsel: die Son en die groep planete en kleiner voorwerpe wat daarom wentel
sonvlek: 'n donker gebied of kol wat van tyd tot tyd op die oppervlak van die Son verskyn; sonvlekke is koeler as die res van die Son se oppervlak
sonwind: die aanhoudende vloei van gelaaide partikels vanaf die Son tot in die uiterstes van die sonnestel
spiraalarm: 'n gebied van sterre, gas en stof met 'n gekromde vorm wat uit die middel van 'n spiraalvormige sterrestelsel tol
ster: 'n groot bal brandende gas wat energie in die vorm van lig en hitte uitstraal
sterreleer: mitiese verhale oor die sterre, planete en konstellasies
sterrestelsel (galaksie): 'n versameling van miljoene of miljarde sterre, gas en stof wat deur swaartekrag bymekaargehou word
teleskoop: 'n instrument waarmee gekyk word na veraf voorwerpe en wat hulle helderder, groter en duideliker laat lyk. Party teleskope gebruik sigbare lig (optiese teleskope) en ander gebruik radiogolwe (radioteleskope)
vakuum: 'n groot, leë borrel in die ruimte wat tussen filamente voorkom
versterker: 'n toestel wat radiogolfseine versterk